▫️ मख़दुम समाचार ▫️
अहमदनगर (प्रतिनिधी) ९.५.२०२३
येथील रेल्वे स्थानकाच्या सल्लागारपदी शहराचे ग्रामदैवत श्री विशाल गणेश मंदिर देवस्थानचे सचिव व शहर सहकारी बँकेचे माजी चेअरमन व विद्यमान संचालक अशोक कानडे यांची फेर निवड करण्यात आली. सोलापूर विभागीय सहाय्यक वाणिज्य प्रबंधक कल्पना बनसोडे यांनी नुकतेच नियुक्तीपत्र दिले.
कानडे हे गेली १० वर्षापासून सल्लागार म्हणून काम करत आहेत. अहमदनगर-पुणे शटल रेल्वे सुरु करण्याबाबत गेली दोन वर्षांपासून सेंट्रल रेल्वे प्रशासन, खासदार डॉ.सुजय विखे पाटील, आमदार संग्राम जगताप, माजी खा.दिलीप गांधी यांच्या सहकार्याने प्रयत्न केले.
लवकरच अहमदनगर-पुणे फास्ट शटल रेल्वे सुरु होईल. त्याचप्रमाणे लांब पल्ल्याच्या गाड्यांना अहमदनगर रेल्वे स्थानक येथे थांबा मिळविण्यासाठी प्रयत्न सुरु आहेत. अहमदनगरचे मुख्य वाणिज्य निरिक्षक आर.एस.मीना, प्रवासी संघटनेचे अध्यक्ष हरजीतसिंह वधवा, संदेश रपारिया, दुर्गे, तोमर यांचे नेहमी सहकार्य लाभते, असे निवडीनंतर कानडे यांनी सांगितले.
अशोक कानडे यांची रेल्वे सल्लागार समितीवर अशोकराव कानडे यांची निवड झाल्याबद्दल त्यांचे विविध स्तरातून अभिनंदन होत आहे.
إرسال تعليق