स्वातंत्र्यदिनी सातारा शहरात छत्रपती शिवाजी महाराजांच्या बद्दल इंन्स्टाग्राम या सोशल मेडीया अॅपवर आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता. हे पोलीस तपासात उघड झाले आहे. मात्र या प्रकरणात मुस्लीम युवकाचे इंन्स्टाग्राम अकाउंट कसे वापरले ठाऊक आहे का?
अल्पवयीन मुस्लीम युवक अरमान शेख आणि हिंदू अमर शिंदे या दोघांची एक काॅमन मैत्रीण दोघांसोबत इंन्स्टाग्राम वर चॅट करायची. हि बाब अमर शिंदेला समजल्यावर त्याने अरमान शेखला धडा शिकवण्याचे ठरवले. त्यानुसार अमर शिंदेने संबंधित मैत्रीणीच्या नावे इंन्स्टाग्रामवर दुसरे बनावट अकाउंट सुरु केले.
या बनावट इंन्स्टाग्राम अकाउंट वरुन अरमान शेख याचेशी संपर्क साधला. चॅटींग होवू लागले. थोडक्यात या चॅटींग दरम्यान कुरुलकर प्रकरणाप्रमाणे हनी ट्रॅप रचून अरमानच्या इंन्स्टाग्राम अकाउंटचा युझर आयडी आणि पासवर्ड मागितला. अशा प्रकरणात जी चूक सज्ञान पुरुष करतो, तीच चूक अरमान शेखने केली. स्वतःच्या इंन्स्टाग्राम अकाउंटचा युझर आयडी आणि पासवर्ड शेअर केला.
बस्स! इथंच घोटाळा झाला. अरमान शेख कितीही राष्ट्रप्रेमी असला तरी तो मुस्लीम आहे हे कारण हिंदुत्ववाद्यांना पुरेसे आहे. अर्जुन शिंदेने याच कारणाचा फायदा घेत अरमान शेख याच्या इंन्स्टाग्राम अकाउंट वरुन देशाच्या स्वातंत्र्यदिनी छत्रपती शिवाजी महाराजांच्या बाबतीत आक्षेपार्ह मजकूर पोस्ट केला आणि युवा सातारा एकवटला!
स्वातंत्र्यदिनी शहरात किरकोळ तोडफोड केली गेली. सातारा शहरातील सामाजिक कार्यकर्ते फिरोज पठाण यांच्या कार्यालयाची जमावाने नाहक तोडफोड केली. त्यादिवशी पालकमंत्री शंभूराज देसाई शहरात होते. शंभूराज देसाई यांचेशी आमचे वैयक्तिक पातळीवर राजकीय मतभेद आहेत. मात्र त्यांनी जमावाची हाताळणी अतिशय शांतपणे, मुत्सद्दीपणे केली. त्याबद्दल त्यांचे कौतुक व धन्यवाद!
सातारा पोलीसांनी या घटनेची पाळेमुळे खणून काढली. त्यामुळे सातारा शहर दंगलीपासून वाचले. परवा सातारा जिल्ह्यातील खटाव तालुक्यातील पुसेसावळी येथे घडलेली घटना व सदर घटना या दोन भिन्न घटना आहेत. पुसेसावळी प्रकरणातील तपास सातारा पोलीस करत असून या तपासात पोस्ट लिहिपर्यंत अजून तरी हॅकिंग संदर्भातील कोणतीही माहिती सार्वजनिक करण्यात आलेली नाही.
सदरील दोन्ही घटनांचे एकत्रिकरण करुन पुसेसावळी प्रकरणात सोशल मेडीयावर पुरोगामी व हिंदुत्ववादी विचारसरणीच्या लोकांकडून दिशाभूल केली जात आहे. चुकीच्या माहितीपासून सावध रहावे व पूर्ण माहिती घेतल्याशिवाय आपले मत व्यक्त करुन नवीन अफवेला जन्म देऊ नये यासाठी हा पोस्टप्रपंच!!
तळटीप : सर्वधर्मीय, सर्वजातीय पालकांनी आपल्या मुलांच्या सोशल मेडीया हालचालींवर लक्ष ठेवणे हा प्राथमिक उपाय आहे हे आम्ही याआधीच्या कालच्या पोस्ट मध्ये सांगितले होते ते यासाठीच!लक्षात घ्या आपल्या मुलांची अकाउंट हॅक करण्यासाठी सायबर एक्सपर्टची गरज नाही. फेक अकाउंटवरुन हनी ट्रॅप वापरुन हॅकिंग होवू शकते.
- तुषार गायकवाड
#महाराष्ट्रहितार्थ
إرسال تعليق