(Image - स्त्रोत bhp.com)
मख़दूम समाचार
मुंबई (प्रतिनिधी) १८.८.२०२३
स्वतंत्र भारतातील पहिली मिनीकार कोणती असेल तर ती आहे कोल्हापूर जिल्ह्यातील इचलकरंजी येथील शंकरराव कुलकर्णी यांच्या मीरा ऑटोमोबाईल्स ॲण्ड इंजिनिअरिंग इंडस्ट्रीज प्रा. ली. यांची मीरा मिनीकार. कोल्हापूर ही भारताबरोबरच जगाला दिशा देणारी कलानगरी आहे. तिथे अनेक कलाकारांना राजर्षी शाहूंनी राजाश्रय दिला तसेच कोल्हापूरसह देशाचा विकास व्हावा औद्योगिकता वाढावी म्हणून अनेक प्रयोग केले. आपल्या राज्यातील निकामी झालेल्या तोफा वितळवून अन्न पिकवणाऱ्या शेतकऱ्यांना नांगर तयार करून दिले. आपल्या लोखंडांच्या खाणी कारखानदारांना सवलतीत दिल्या त्यामुळे तिथे उद्योजकता वाढली.
स्वतंत्र भारतात १९४९ साली मीरा मिनीकार ही मीरा ऑटोमोबाईलचा पहिला प्रोटोटाइप ठरली. १९४९ मधे शंकरराव कुलकर्णी यांनी भारतीय जनतेसाठी एक कार तयार करण्याची योजना आखली ज्याची किंमत त्यावेळी १२ हजार रूपये होती. कारचा पहिला नमुना १९४९ मध्ये आला होता, जी कार घेऊन शंकरराव कुलकर्णी मुंबईत फिरत असत. मिनी कार त्यावेळच्या सामान्य गाड्यांपेक्षा वेगळी असल्याने लगेचच लक्ष वेधून घेत होती. MHK 1906 या नोंदणी क्रमांकासह आरटीओमध्ये कारची नोंदणी करण्यात आली होती, अशी माहिती आनंद मेनन यांनी दिली आहे.
إرسال تعليق