या प्रकरणी डॉ.चंद्रकांत कदम यांनी आज दुपारी आप्पासाहेब बबन वाकचौरे, काकासाहेब बबन वाकचौरे व इतर तिघे (रा.रांजणगाव,ता. नेवासा) यांच्या विरोधात तोफखाना पोलीस ठाण्यात फिर्याद दिली. त्या नुसार तोफखाना पोलीस ठाण्यात गुन्हा रजिस्टर नंबर 1342/2023,भादविक323,504,427,143,147,148,149 महाराष्ट्र वैद्यकीय सेवा व्यक्ती आणि वैद्यकीय सेवा संस्था(हिंसक कृत्य आणि किंवा नुकसान प्रतिबंध) कलम 4,6 प्रमाणे दाखल करण्यात आला आहे आहे.
बबन वाकचौरे यांचा उपचारा दरम्यान मृत्यू झाला होता.त्याचा राग मनात धरून आप्पासाहेब व काकासाहेब वाकचौरे यांनी हॉस्पिटलमधील डॉ.कदम, डॉ.अनिकेत गुणे व कर्मचारी विशाल काळे यांना मारहाण केली. तसेच हॉस्पिटलमधील अतिदक्षता विभागातील मॉनिटर,व्हेंटीलेटर, खुर्ची,बेड रोलिंग यांची मोडतोड केली. या घटनेची माहिती मिळताच तोफखाना पोलीस ठाण्याचे पोलिस निरीक्षक मधुकर साळवे व गुन्हे शोध पथकाचे पोलीस उपनिरीक्षक सचिन रणशेवरे यांनी घटनास्थळी भेट देऊन पाहणी केली. अधिक तपास पोना/चांगदेव आंधळे हे करत आहेत.
إرسال تعليق