श्रीरामपूरचे मूळ रहिवासी व सध्या अमेरिकास्थित असलेले उद्योजक तथा शिर्डी संस्थानचे माजी विश्वस्त प्रतापनाना भोसले यांनी लंडन येथील भारतरत्न डॉ. बाबासाहेब आंबेडकर यांच्या स्मारकाला नुकतेच सपत्नीक भेट दिली.
यावेळी अनुभवकथनात त्यांनी सांगितले की,राज्याचे मुख्यमंत्री ना.देवेंद्र फडणवीस यांनी ५५ वर्षापासून चालू असलेल्या लंडन येथील डॉ. बाबासाहेब आंबेडकर स्मारक ताब्यात घेण्याच्या लढ्याला यश मिळवून दिले.
गेल्या ५५ वर्षापासून हे स्मारक राज्य सरकारच्या ताब्यात मिळावे यासाठी प्रयत्न चालू होते अखेरीस देवेंद्र फडणवीस यांनी हा विषय मनावर घेत राजकीय ताकद लावून हे स्मारक राज्य सरकारच्या ताब्यात आणले आहे.यामुळे घटनाकारांची किर्ती सातासमुद्रापारही महाराष्ट्रातील जनतेला पाहता येणार आहे.
राज्याचे मुख्यमंत्री देवेंद्र फडणवीस यांच्यामुळेच हे शक्य झाले असे कौतुकास्पद गौरवोद्गार शिर्डी संस्थानचे माजी विश्वस्त व अमेरिकास्थित उद्योजक श्री.प्रतापनाना भोसले यांनी यावेळी व्यक्त केले.
إرسال تعليق