नवी दिल्ली येथे दिनांक २७ जुलै २०२५ रोजी झालेला इस्टेट युनिव्हर्सिटी युएसए तर्फे आयोजित भव्य समारंभात राजस उद्योग समूहाचे संचालक राजू आर. घुले यांना ऑनरी डॉक्टरेट पीएचडी विथ गोल्ड मेडल या मानद पदवीने गौरविण्यात आले.
या मानद पदवीद्वारे श्री. घुले यांचे बिझनेस मॅनेजमेंट, स्ट्रॅटेजिक अॅडव्हायजरी आणि क्वालिटी एक्सलन्स या क्षेत्रातील योगदान जागतिक स्तरावर मान्य करण्यात आले. हा सन्मान इंडिया हॅबिटॅट सेंटर, लोधी रोड, नवी दिल्ली येथे संपन्न कार्यक्रमात प्रदान करण्यात आला. कार्यक्रमाच्या अध्यक्षस्थानी जेसन हॉल (उच्चायुक्त, जमैका दूतावास, भारत) हे होते.
प्रमुख पाहुणे म्हणून प्रा.डॉ.दिनेश शर्मा, (राज्यसभा सदस्य व माजी उपमुख्यमंत्री, उत्तर प्रदेश), गेशन दिसानायके, (मंत्री-सल्लागार, श्रीलंका उच्चायोग, नवी दिल्ली), राजीव शर्मा,(आयएएस निवृत्त),सी. बी. तिवारी,(गृह मंत्रालय, भारत सरकार),अति. पो.आयुक्त प्रमोद सोनकर (म.प्र.),सौ. अलका सोनकर, (अधीक्षक, इंदूर सेंट्रल जेल),डॉ. पी. के. राजपूत, (माजी वरिष्ठ उपाध्यक्ष, कॅडिला फार्मा), श्रीमती एलेना बर्मन, (अध्यक्ष,आयएआरसी),डॉ. विक गॅफनी,(कायदा शास्त्रज्ञ, ऑस्ट्रेलिया), इंदौर/ऑक्सफोर्ड इंटरनॅशनलचे डॉ. पुनीत कुमार द्विवेदी आणि डॉ. नेहा शर्मा आदि उपस्थित होते.
या सन्मानामुळे राजू घुले यांचे कार्य केवळ राष्ट्रीय नव्हे तर आंतरराष्ट्रीय पातळीवरही गौरवले गेले असून, त्यांनी उद्योजकतेच्या क्षेत्रात तरुणांसाठी प्रेरणादायी आदर्श उभा केला आहे.
Post a Comment