आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

▫️मख़दुम समाचार▫️ 

अहमदनगर (प्रतिनिधी) ९.६.२०२३

    महाराष्ट्र राज्यामधे १२ जुन हा जागतिक बालकामगार विरोधी दिन म्हणून साजरा केला जातो अहमदनगर जिल्ह्यातील व्यावसायिक, कारखानदार, दुकाने मालक, नागरिकांमध्ये जनजागृती व्हावी याकरीता सहा. कामगार आयुक्त नि.कृ.कवले यांनी आवाहन केले आहे की, हॉटेल व गॅरेजमधे १४ वर्षाखालील बालकांना व १४ ते १८ किशोर वयोगटातील बालकांना कामावर ठेऊ नये.

    ते पुढे म्हणले की, बालकामगार कायद्याचे पालन होण्यासाठी दुकाने, आस्थापना, कारखाने, सिनेमागृह, उपहारगृह, हॉटेल व गॅरेज या ठिकाणी १४ वर्षाखालील बालकांना व १४ ते १८ किशोर वयोगटातील बालकांना कामावर ठेऊ नये. अशी मुले कामावर ठेवणे हे कायद्याने गुन्हा आहे. बाल व किशोरवयीन कामगार (प्रतिबंध व नियमन) अधिनियम १९८६ अंतर्गत जागतिक बालकामगार विरोधी दिन म्हणून १२ जून हा दिवस साजरा केला जाणार आहे. १४ वर्षाखालील बालकास सर्वच व्यवसाय व प्रक्रियामध्ये काम करण्यास प्रतिबंध करण्यात आला आहे. १४ ते १८ वयोगटातील किशोरवयीन बालकास धोकादायक व्यवसाय व प्रक्रियामध्ये कामावर ठेवणे हा फौजदारी गुन्हा आहे. फौजदारी गुन्ह्यासाठी ६ महिने ते २ वर्षांपर्यंत वाढविता येईल इतक्या तुरूंगवासाची शिक्षा किंवा किमान २० हजार रूपये व कमाल ५० हजार रूपये इतका दंड किंवा दोन्ही शिक्षा मालकास होऊ शकतात. गुन्ह्याची पुनरावृत्ती झाल्यास किमान १ ते ३ वर्ष पर्यंत वाढविता येईल इतकी तुरुंगवासाची शिक्षा होऊ शकते.

      बालकास किंवा किशोरवयीन बालकास कामावर ठेवल्याचे आढळल्यास सहाय्यक कामगार आयुक्त कार्यालयाचा इमेलवर  acl.nagar1@gmail.com या कार्यालयाशी संपर्क साधावा, असे आवाहन नितीन कवले सहाय्यक कामगार आयुक्त यांनी केले आहे.