मख़दूम समाचार
सांगली (प्रतिनिधी) ७.८.२०२३
गेल्या तीन महिन्यांहून आधिक काळ देशाच्या एका राज्यामधे जो हिंसाचार सुरू आहे, दंगली सुरू आहेत या गोष्टी अतिशय लांछनास्पद आहेत. मणिपूरमधील स्त्रियांच्या विवस्त्र धिंडीने देशाची अब्रु जगाच्या वेशिवर टांगली आहे. एकीकडे 'बेटी बचाव'चा नारा द्यायचा आणि त्याचवेळी राजरोसपणे स्त्रियांची विवस्त्रधींड निघत असताना, त्यांचेवर बलत्कार होत आसताना त्यावर कुठलीही कृती करायची नाही. मणिपूर पेटत आहे. त्याची चर्चा जगभर होत आहे आणि आमचे प्रधानमंत्री त्यावर चकार शब्द काढायला तयार नाहीत. देशाची संसद बंद पडत आहे आणि प्रधानमंत्री संसदेपासून दूर जाताहेत हे चित्र भयानक आहे. ते बदलायला पाहीजे, असे कॉ.अतुल कुमार 'अंजान' विटा येथे भाषणात म्हणाले.
पुढे बोलताना अतुल कुमार म्हणाले, या देशाच्या स्वातंत्र्यासाठी अनेक वीरांनी आपले प्राण गामावले आहेत. अनेकांनी तुरुंगवास भोगला आहे. यामधे क्रांतिसिंह नाना पाटलांचे योगदान अनन्यसाधारण आहे परंतु त्याची जाण राजकर्त्यांना राहिली नाही. आजचे राज्यकर्ते सामान्य माणसांचे नाव घेऊन भांडवलदारांसाठी राज्यकारभार करत आहेत. धर्माच्या, जातीच्या नावावर माणसांमाणसांमधे फुट पाडत आहेत. हे चित्र बदलले पाहीजे.
यावेळी प्रमुख अतिथी डॉ. कानगो म्हणाले कि, आज पंतप्रधान हुकूमशाही वृत्तीने वागत आहेत केवळ आदानी अंबानीचे भल्यासाठी देशाला वेठीस धरत आहेत. संसदेच्या परिसरात जाऊनही संसदेत जात नाहीत. असे राज्यकर्ते जनतेच्या काय उपयोगाचे. आज पुन्हा क्रांतिसिंहांच्या 'प्रतिसरकार'ची गरज निर्माण झाली आहे.
