थडी येथे धार्मिक ग्रंथाची विटंबना
करणाऱ्या आरोपीस अटक करावी, खोटे आरोप करून धुडगूस
घालणाऱ्यांवर कारवाई करावी,
भडकावू भाषण करून धार्मिक व
जातीय तेढ निर्माण करणाऱ्यांवर
कायदेशीर कारवाई व्हावी, या व इतर मागण्यांसाठी समस्त मुस्लिम
समाजाच्या वतीने मंगळवारपासून
कोपरगाव तहसील कार्यालयासमोर
उपोषण सुरू करण्यात आले आहे.
कोपरगाव तालुक्यातील कोळगाव थडी येथील मशिदीत गुरुवार दि. १० ऑगस्ट रोजी रात्री अज्ञात व्यक्तीने घुसून आतील पवित्र धर्मग्रंथ फाडले होते. या घटनेचे पडसाद कोपरगाव शहरात उमटले. असंख्य नागरिक कोपरगाव तालुका पोलिस ठाण्यात जमले. तिथे आरोपीच्या अटकेची मागणी केली होती.
घटनेला आठ दिवस उलटून गेल्यानंतरही आरोपीला अटक न
झाल्याने मंगळवार दि.२२ ऑगस्ट पासून तहसील कार्यालयासमोर
मुस्लिम समाजाच्या वतीने उपोषण सुरू करण्यात आले आहे.
उपोषणस्थळी घडलेल्या घटनेचा
निषेध करण्यात आला.तसेच समाजात जातीय व धार्मिक तेढ निर्माण करणाऱ्या उपद्रवींवर कायदेशीर कारवाई करण्याची मागणी करण्यात आली. मागण्यांचे निवेदन तहसीलदार संदीपकुमार भोसले यांना देण्यात आले. उपोषणकर्त्यांमध्ये फिरोज पठाण, अकबर शेख, अयाज कुरेशी, शरफुद्दीन सय्यद, अजिज शेख,
नवाज कुरेशी, अन्सार शेख, वसीम चोपदार, जावेद शेख, अमजद शेख,
इरफान शेख, तौसिफ मणियार, इम्रान शेख, फिरोज पठाण, इरफान कुरेशी, असलम शेख, नदीम अत्तार, जुनेद खाटीक, नदीम शेख आदींचा समावेश आहे.
Post a Comment