आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

روز بروز گاؤں کی اردو اسکول سے بچوں کی گھٹتی تعداد کو دیکھ کر، ہیڈ ماسٹر صاحب نے اپنے اساتذہ کے ساتھ میٹینگ کی ، جس میں یہ طے پایا کہ ہر گلی محلے میں لوگوں کو جمع کر کے اردو اسکول، مادری زبان کی اہمیت کو سمجھایا جائے ، اسی غرض سے سارے اسا تذہ گلی محلوں میں گھوم پھر کر محنت کرنے لگے شام ہو چکی تھی آخری گلی باقی تھی، اس گلی کے ایک نکڑ پر اسکول کے ماہر استاد اپنی شعلہ بیان تقریر کرنے لگے ۔۔۔ " بھائیو، اردو ہی وہ واحد زبان ہے جو ہمیں اور ہماری نسلوں کو ترقی کی راہ پر گامزن کر سکتی ہے اور ہمیں دین سمجھنے اور جاننے میں مدد دے سکتی ہے"، جوں جوں شام ڈھلتی گئی کھیتوں سے لوٹنے والے تھکے ماندہ کسان اس بھیڑ کا حصہ بنتے گئے ۔۔۔ لوگوں کے مجمع کو دیکھ کر ماہر استاد جوش میں آگئے ابھی ان کی تقریر جاری ہی تھی کہ شہر کی طرف سے انگریزی میڈیم اسکول کی پیلے رنگ کی بس آگئی ، اس بس میں سے دو ننھے منے بچے دوڑتے دوڑتے اردو کے شعلہ بیان مقرر سے لپٹ گئے اور کہنے لگے " گوڈ ایونگ پاپا" شعلہ بیان مقرر کا جوش تو جیسے برف کی طرح ٹھنڈا ہو گیا ۔۔۔ لوگوں نے اساتذہ کا ، اساتذہ نے ایک دوسرے کا چہرہ دیکھنا شروع کیا۔۔۔ سارا مجمع بنا کچھ کہے اپنے اپنے گھروں کو چلا گیا۔۔۔۔ شاید مجمع اردو اسکول کی اہمیت کو جان گیا تھا۔۔۔!!!!!!