गुरुवारी पत्रकार परिषदेत माजी आ. रवींद्र धंगेकर, खासदार निलेश लंके यांनी तक्रार दाखल करणार असल्याचे म्हटले होते. त्यानंतर ही तक्रार दाखल झाली आहे. तक्रारीत म्हटले आहे की, ट्रस्टच्या नावे स्टेशन रोड वर वॉर्ड नंबर २१ मधील म्यु.क.नंबर ४४ याचा सि.स.नं. फायनल प्लॉट नंबर ११९ चे क्षेत्रफळ ४७१.९९ चौरस मीटर हा भूखंड आहे. या भूखंडावर असणाऱ्या मिळकतीच्या तपशिलाची नोंद नगरपालिका दप्तरी परिशिष्ट - अ मध्ये आहे. या भूखंडावर मंदिर होते. अशी नोंद तेव्हाची अहमदनगर नगरपालिका आणि आत्ताची अहिल्यानगर महानगरपालिका दप्तरी परिशिष्ट - अ मध्ये स्पष्ट नोंद नमूद आहे. त्याचे पुरावे काळे, गुंदेचा यांनी पोलिसांना दिले आहेत.
तक्रारीत पुढे म्हटले आहे, जैन समाजाचे 'तीर्थंकर' भगवान ऋषभनाथ, भगवान महावीर यांनी जैन तत्त्वज्ञान शिकवले आणि आध्यात्मिक मार्गदर्शन केले. भगवान महावीरांचे उपदेश अहिंसा, सत्य, अस्तेय (चोरी न करणे) या महाव्रतांवर आधारित आहेत. आम्ही त्याचे आचरण करतो. जैन मंदिर ट्रस्टच्या वर नमूद भूखंडावरील मंदिर तसेच प्रवचन स्थळ पाडण्यात आले आहे. या मुळे आमच्या धार्मिक आस्था, भावना दुखावल्या गेल्या आहेत.
भारतीय न्याय संहिता (बीएनएस) च्या कलम २९८ नुसार कोणत्याही धर्माच्या प्रार्थनास्थळाला दुखापत करणे किंवा अपवित्र करणे हे कृत्य दंडनीय अपराध आह. या गुन्ह्यासाठी दोन वर्षांपर्यंत कारावास, दंड किंवा दोन्ही शिक्षा अशी तरतूद आहे. हा एक अजामीनपात्र व दखलपात्र गुन्हा आहे. अपराध्यांवर बीएनएस कलम २९८ अन्वये तात्काळ गुन्हा दाखल करावा अशी आम्ही तक्रार देत असल्याचे त्यात म्हटले आहे.
सोबत : तक्रारीची received कॉपी जोडली आहे.
Post a Comment