مخدوم سوسائٹی احمد نگر ، رحمت سلطان فاؤنڈیشن, اور اردو ساہتیہ پریشد احمد نگر کے مشترکہ تعاون سے دیا جانے والا " بھارت رتن مولانا ابوالکلام آزاد ٹیچرز ایوارڈ" سے اس سال احمد نگر ضلع سے 12 اردو میڈیم ،اور 4 مراٹھی میڈیم کے ٹیچرز کو نوازا گیا ۔ یہ ایوارڈ 9 نومبر ڈاکٹر علامہ اقبال کی یوم پیدائش کے موقع پر رحمت سلطان ہال احمدنگر میں ایک شاندار تقریب میں جناب شیخ غنی حاجی بھائی (چیرمین اینگلو اردو ہائی اسکول و جونیئر کالج سنگمنیر) کے بدست مبارک اعزاز یافتگان کو دیا گیا ۔
اس پروگرام میں جناب عبداللہ حسن چودھری (چیف ٹرسٹی انجمن اسلام سنگمنیر) نے صدارتی فرائض انجام دیئے۔جبکہ جناب باپو صاحب تامبے شکشک نیتا (مہاراشٹر راجیہ) بطور مہمان خصوصی مدعو کیۓ گیۓ تھے- واضح رہے کہ ان تینوں اداروں کے روحِ رواں سلیم خان پٹھان ،عابد خان, یونس بھائی تامبٹکر , بھیروناتھ واکڑے، اور ڈاکٹر قمر سرور جیسے اردو دوست اشخاص اس پروگرام کی خوبصورتی کو دوبالا کرنے میں کامیاب رہے۔
اعزاز یافتگان میں - شیخ اسماء اشفاق، صدر مدرس و شاعر شیخ محمد شاکر،شیخ محمد بدر، شیخ فرحت انجم،شیخ آفرین محمد، شیخ ریشمہ محمد،شیخ ناظمہ نواب،خان شبستہ نصیر،سید نازیہ اصغر،مومن حسین بادشاہ،سید توصیف چاند صاحب،پٹھان انجم اعجاز،نتن وٹھل پنڈت،سجاتا نوناتھ پری،دیپالی اشوک کاپرے،اور مناکشی سومنات جادھو شامل ہیں۔
اس پروگرام میں تمام اعزاز یافتگان اساتذہ کی تعلیمی سماجی خدمات کا اعتراف کیا گیا اور ان کی ان خدمات کو سراہا گیا_
اس پروگرام کے نظامت کے فرائض بڑی نفاست اور خوبصورتی کے ساتھ سلیم خان پٹھان نے انجام دیے۔جبکہ قابل معلم شکیل خان نے تمہید باندھی _اس پروگرام کو کامیاب بنانے میں کے کے خان صاحب،شیخ محمد شاکر،تنویر چشمہ والا،شفقت سید،نرگس انعامدار، شمع فاروقی،راجو بھائی شیخ، جاوید ماسٹر, امام سر، جاوید عباس تامبولی،عارف سید،نعیم سردار،حنیف سر، فیاض سر نے اہم رول ادا کیے۔
Post a Comment