शाळेला वाॅल कंम्पाउंड नसल्याने बराच त्रास होत होता. २०२३ मध्ये मिशन आरंभ अंतर्गत काही पालकांच्या सहकार्य घेऊन स्वतचे ७० हज़ार रुपये टाकुन एक लाख रुपये मध्ये ५० मीटरचे तार कंपाउंड व मोठा गेट लाऊन घेतला. शाळेत सुरवातीला विद्यार्थ्यांची संख्या ३०/३२ होती.ती आज ५१ आहे. त्यांनी विद्यार्थ्यांसाठी अनेक शैक्षणिक उपक्रम राबविले. केडगाव केंद्रात एकच उर्दू शाळा आहे.व शाळेच्या प्रगतीसाठी आस्मा शेख यांचा मोलाचा वाटा आहे.त्यांच्या या सर्व शैक्षणिक व सामाजिक बाबींचा आढावा घेऊन मखदुम एज्युकेशन अँड वेल्फेअर सोसायटी व अहमदनगर जिल्हा उर्दू साहित्य परिषदे तर्फे देण्यात येणारा भारतरत्न मौलाना अबुल कलाम आजाद शैक्षणिक पुरस्कार 2025 त्यांना प्रदान करण्यात आला.
भारताचे पहिले शिक्षणमंत्री व थोर स्वातंत्र्यसेनानी भारतरत्न मौलाना अबुल कलाम आझाद यांच्या जयंतीनिमित्ताने शहरात राष्ट्रीय कौमी एकता सप्ताह निमित्त घेण्यात आलेल्या कार्यक्रमात शेख आस्मा यांना सर्जेपूरा येथील रहेमत सुलतान सभागृहात झालेल्या कार्यक्रमाप्रसंगी अँग्लो उर्दू हायस्कूल ॲण्ड ज्युनिअर कॉलेज संगमनेरचे मुख्य विश्वस्त अब्दुलाह हसन चौधरी,चेअरमन हाजी शेख गनी, शिक्षक नेते बापूसाहेब तांबे यांच्या हस्ते पुरस्कार प्रदान करण्यात आले. याप्रसंगी मखदुम एज्युकेशन सोसायटीचे अध्यक्ष आबिद दुल्हेखान, डॉ.कमर सुरुर, अहमदनगर जिल्हा उर्दू साहित्य परिषदेचे सलीम खान पठाण, मौलाना आझाद महोत्सव समितीचे अध्यक्ष भैरवनाथ वाकळे, सचिव युनूसभाई तांबटकर आदी उपस्थित होते.
पुरस्काराला उत्तर देताना शेख आस्मा म्हणाल्या कि कामाचे कौतुक झाल्याचे त्यांनी समाधान व्यक्त केले.
कार्यक्रमात शिक्षकांवर सध्या वाढलेल्या अनेक कामाचे ताणतणावात पण विद्यार्थ्यांसाठी वेगवेगळे शैक्षणिक उपक्रम राबविणाऱ्या शिक्षकांचा मान्यवरांनी आपल्या भाषणातून गौरव केला.
Post a Comment