نگر پالیکا اُردو اسکول نمبر 9 شریرامپور کے ہونہار طالب علم زرباب زبیر پٹھان (عمر 6 سال) نے کم سنی کے باوجود رمضان المبارک کا اپنا پہلا روزہ رکھ کر گھر والوں اور اساتذہ کا سر فخر سے بلند کر دیا۔
زرباب نے پورے جوش و خروش کے ساتھ سحری کی اور اللہ تعالیٰ کی رضا کی نیت سے اپنا پہلا روزہ مکمل کیا۔ گھر کے افراد نے اس موقع پر خوشی کا اظہار کرتے ہوئے بچے کی حوصلہ افزائی کی۔ افطار کے وقت خصوصی اہتمام کیا گیا اور دعا کی گئی کہ اللہ تعالیٰ زرباب کو دین و دنیا میں کامیابی عطا فرمائے۔
اسکول کے اساتذہ نے بھی زرباب کو مبارکباد پیش کرتے ہوئے کہا کہ اتنی کم عمر میں روزہ رکھنا قابلِ تحسین ہے اور یہ اچھی دینی تربیت کی علامت ہے۔
اہلِ خانہ اور رشتہ داروں نے زرباب زبیر پٹھان کو اس بابرکت عمل پر دل کی گہرائیوں سے مبارکباد دی اور اس کے روشن مستقبل کے لیے نیک تمناؤں کا اظہار کیا۔
Post a Comment