देवळाली प्रवरा (प्रतिनिधी) : आपले घर,आपले अंगण, आपले कुटुंब, आपले गांव, स्वच्छ ठेवण्यासाठी आपण प्रयत्न करतो म्हणजेच आपला देश स्वच्छ ठेवण्याचे काम आपण महिला करतो,घरचे काम सांभाळून बचत गटांच्या माध्यामातून आपल्यातील कलागुणांना वावही देता येतो, त्यासाठी देवळाली प्रवरा नगरपरिषद प्रोत्साहन देते, ही महिलांसाठी भूषणावह बाब आहे, असे मत देवळाली प्रवराच्या सब पोस्टमास्तर श्रीमती व्ही.एस.जोशी यांनी व्यक्त केले.
देवळाली प्रवरा नगरपरिषदेच्या वतीने जागतिक महिला दिनानिमित्त महिला बचत गटांच्या सदस्या व स्वच्छता कामगार महिलांचा प्रबोधन मेळावा डॉ.बाबासाहेब आंबेडकर सभागृहात डॉ.रेणुका मासाळ यांच्या अध्यक्षतेखाली पार पडला, त्यावेळी त्या बोलत होत्या. यावेळी मुख्याधिकारी अजित निकत, वैद्यकीय अधिकारी डॉ.जाकिर शेख, माझी वसुंधरा चे पर्यावरण दूत हसन सय्यद,कार्यालयीन अधीक्षक बन्सी वाळके इ.मान्यवर उपस्थित होते.
पुढे बोलतांना सहा. पोस्टमास्तर श्रीमती जोशी म्हणाल्या कि, महिलांनी आर्थिक सक्षमते बाबत जागरूक राहायला हवे, त्यासाठी शासनाच्या विविध योजना आहेत. त्यांचा फायदा घ्यायला हवा. मुख्याधिकारी अजित निकत बोलतांना म्हणाले कि,‘महिला सक्षमीकरणासाठी देवळाली प्रवरा नगरपरिषद नेहमीच पुढाकार घेत असुन महिलांनी काही उद्योग, व्यवसाय उभे करावयाचे ठरविल्यास सहकार्य करण्यात येईल, डॉ.जाकिर शेख यांनी शासनाच्या वैद्यकीय शिबिराची माहिती देऊन आरोग्य बाबतीत जागरूक राहण्याचे आवाहन केले.
डॉ.रेणुका मासाळ यांनी स्त्रियांचे आरोग्य तसेच आहार-विहार यावर मार्गदर्शन केले.
पर्यावरणदूत हसन सय्यद यांनी माझी वसुंधरा अभियान विषयक माहिती दिली. त्रिंबकराज वस्तीस्तर संघाच्या अध्यक्षा सुजाता मुसमाडे यांनी महिलांना हरित शपथ दिली. स्वागत समुदाय संघटिका सविता हारदे यांनी स्वागत केले. सहा.प्रकल्प अधिकारी सुनील गोसावी यांनी प्रास्ताविक करून सूत्रसंचालन केले.
सहा.ग्रंथपाल संभाजी वाळके यांनी आभार मानले. यावेळी उपस्थित महिलांना पेरू,आंब्याचे रोप,कापडी पिशवी,माहिती पत्रकांचे वितरण करण्यात आले.
कार्यक्रमाच्या यशस्वितेसाठी समाजविकास संस्थेच्या कमल मुसमाडे, जयश्री येवले, अनिता म्हस्के, कमल संसारे, शोभा कुलट, मिराबाई भालेकर,
शालिनी गायकवाड, मुन्ना चावरे, अनिता कदम, अंगणवाडी सेविका शर्मिला रणधीर, शहर समन्वयक उदय इंगळे, सोमनाथ सूर्यवंशी, नंदू शिरसाठ यांनी परिश्रम घेतले.
Post a Comment