याप्रसंगी शाळेच्या माजी मुख्यध्यापिका श्रीमती सफिया बाहोद्दीन राजे यांचा विशेष सत्कार करण्यात आला. विविध क्षेत्रात यशस्वी झालेल्या शाळेचे माजी विघार्थी मोहसीन पठाण,वसीम कुरेशी,दानिश पठाण, महेवीश पठाण,सहेर पटेल,नुशरा महेबुब आदिंचा ही याप्रसंगी सत्कार करण्यात आला. शाळेच्या समर कॅम्प मध्ये सहभागी विद्यार्थ्यांना प्रमाणपत्र वितरण मान्यवरांच्या हस्ते करण्यात आले.
याप्रसंगी बोलताना शाळेचे मुख्याध्यापक सलीमखान पठाण यांनी शाळेच्या प्रगतीचा लेखाजोखा सादर केला. ३५ वर्षात शाळेतून सुमारे चार हजार विद्यार्थी शिक्षण घेऊन गेले असून ते विविध क्षेत्रांमध्ये कार्यरत आहेत. शाळेमध्ये सर्व प्रकारच्या आधुनिक सुविधा उपलब्ध आहेत असे त्यांनी सांगितले. अध्यक्षीय भाषणामध्ये प्रशासन अधिकारी पटारे यांनी शाळेच्या प्रगतीचे कौतुक करताना शाळेमध्ये सर्व गोरगरीब समाजातील विद्यार्थी असले तरी गरिबी शिक्षणात अडथळा ठरू शकत नाही. गरीब घरात देखील हुशार विद्यार्थी असतात. गुणवत्ता असेल तर लोक मदत करतात. शाळेचा स्टाफ अतिशय मेहनत घेतो आणि विद्यार्थ्यांच्या सर्वांगीण विकासासाठी सदैव धडपड करीत असतो असे सांगून भविष्यातही चांगले विद्यार्थी या शाळेतून घडावेत असा आशावाद त्यांनी व्यक्त केला.
याप्रसंगी नगरसेवक मुख्तार शाह, साजिद मिर्झा, बाळासाहेब सरोदे,सोहेल दारूवाला, वसीम कुरेशी यांनी ही आपले मनोगत व्यक्त केले.मान्यवरांच्या हस्ते आकाशात फुगे सोडून शाळेचा वर्धापन दिन साजरा करण्यात आला. प्रस्ताविक श्रीमती शाहीन शेख, सूत्रसंचालन मोहम्मद आसिफ,तर आभार फारुक शाह यांनी मानले.कार्यक्रम यशस्वी करण्यासाठी शाळेचे मुख्याध्यापक सलीमखान पठाण यांच्या मार्गदर्शनाखाली उपशिक्षक सर्वश्री फारुख शाह, वहिदा सय्यद, नसरीन इनामदार, शाहीन शेख, अस्मा पटेल, निलोफर शेख, बशीरा पठाण, आसिफ शेख, मिनाज शेख, एजाज चौधरी,यास्मिन पठाण, जुनेद काकर, रिजवाना कुरेशी, उजमा पीरजादे आदींनी विशेष परिश्रम घेतले.
إرسال تعليق