आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

मख़दूम समाचार 

नाशिक (प्रतिनिधी) २५.६.२०२३

     अहमदनगर जिल्ह्यातील आदर्शगाव हिवरेबाजार येथील क्रीडा शिक्षक दिपक ठाणगे यांचा क्रीडारत्न पुरस्कार देऊन नाशिक येथे सन्मान करण्यात आला. आतापर्यंत उत्कृष्ट खेळाडू, आदर्श पंच, आदर्श मराठी शिक्षक तसेच कला, क्रिडा, संगीत, कृषि अशा विविध क्षेत्रात उत्कृष्ट कामगिरी करणारे यशवंत माध्यमिक विद्यालय हिवरेबाजार येथील दिपक मार्तण्ड ठाणगे यांचा नाशिक येथील शुभमंगल हॉल, आग्रा रोड पार पडलेल्या सत्कार समारंभामध्ये पालकमंत्री दादाजी भुसे,  सईद जलालुद्दीन रिझवी ऑलिंपियन, अर्जुन पुरस्कार विजेते यांच्या हस्ते क्रिडारत्न पुरस्काराने सन्मानित करण्यात आले.

    क्रीडा क्षेत्रात ते स्वतः कबड्डी, कुस्ती, क्रिकेट, खो-खो चे उत्कृष्ट खेळाडू व पंच असून आज पर्यंत क्रिडा क्षेत्रात उल्लेखनीय कामगिरी केलेली आहे. अहमदनगर जिल्ह्यातून वैयक्तिक क्रिडा स्पर्धा, कुस्ती, खोखो, कबड्डी खेळातून अनेक विद्यार्थ्यांना तालुकास्तर, जिल्हास्तर, विभागीय स्तर, राज्यस्तरापर्यंत विद्यार्थ्यांना नेण्याचे कार्य दिपक ठाणगे यांनी केलेले आहे, या सर्व कामगिरीचा आलेख पाहून नाशिक जिल्हा शिवसेना क्रिडा विभाग यांच्याकडून उत्तर महाराष्ट्र क्रिडा रत्न पुरस्काराने सन्मानित करण्यात आले. 

          नाशिक येथे क्रीडारत्न पुरस्कार मिळाल्याबद्दल यशवंत कृषि ग्राम व पाणलोट विकास संस्थेचे अध्यक्ष पद्मश्री डॉ.पोपट पवार, आदर्शगाव हिवरेबाजारच्या सरपंच विमल ठाणगे, शोभा पवार, एस.टी पादीर, रो.ना.पादीर, सहदेव पवार, चेअरमन छबा ठाणगे, पै.जालिंदर चत्तर, विजय ठाणगे, पै. रावसाहेब चत्तर, शिवाजी ठाणगे, हबीब सय्यद, दत्ता पादीर, कृष्णा ठाणगे, गोपा ठाणगे, मुख्याध्यापक मुरलीधर अमृते, कैलास खैरे, नंदकुमार झावरे, निता सोनवणे तसेच सर्व आजी-माजी विद्यार्थी, पालक व ग्रामस्थांनी दिपक ठाणगे यांचे अभिनंदन केले. तसेच परिसरातून सर्व गुरुजन व शिक्षक बांधव अभिनंदनाचा वर्षाव करून शुभेच्छा देत आहेत.