मख़दूम समाचार
अहमदनगर (सा.सु) २०.९.२०२३
हिंदी दिनानिमित्त अहमदनगर कॉलेजच्या हिंदी विभागाच्या वतीने प्राचार्य डॉ. रजनीश बार्नबस यांच्या मार्गदर्शनाखाली नुकतीच राष्ट्रीय लघुकथा लेखन ऑनलाइन कार्यशाळा घेण्यात आली. ता. १६ रोजी कार्यक्रमास दिल्ली येथील ज्येष्ठ साहित्यिक, लघुकथा लेखक, समीक्षक आणि संपादक डॉ. बलराम अग्रवाल प्रमुख पाहुणे म्हणून उपस्थित होते. त्यांनी लघुकथा आणि कथा यातील फरक स्पष्ट केला, लघुकथेच्या घटकांवर प्रकाश टाकला आणि शीर्षक लेखन आणि लघुकथा लेखनासाठी आवश्यक प्रतीकात्मकता यासंबंधी अतिशय महत्त्वाची माहिती दिली.
ता. १७ सप्टेंबर रोजी मध्य प्रदेशातील इंदौर येथील लघुकथा लेखिका आणि अनुवादक अंतरा करवडे अतिथी मार्गदर्शक म्हणून कार्यशाळेत सामील झाल्या. लघुकथा लेखनाच्या संदर्भात प्रयोगशीलता आणि माध्यम, प्रतीकात्मकता, भाषा इत्यादी प्रचलित पद्धतींचा विचार कसा करावा याबाबत त्यांनी कार्यशाळेत उपस्थितांना अतिशय सोप्या शब्दात मार्गदर्शन केले. दोन्ही दिवशी लघुकथेबाबत अतिशय रंजक आणि अचूक माहिती मिळाली.
कार्यक्रमात अमेरिकेचे प्रदीप वाघ, इंग्लंडचे डॉ.वंदना मुकेश, जयपूरच्या अनिता सैनी, भोपाळचे मनोरमा पंत आणि देश-विदेशातील लघुकथा लेखकही या कार्यक्रमात सहभागी झाले होते. हिंदी विभागाचे अध्यक्ष प्रा.डॉ.रिचा शर्मा, डॉ.पूर्णिमा बेहेरे, प्रा.चेतन रवेलिया व प्रा.सबिना शेख आदी उपस्थित होते.
ता. १६ च्या कार्यशाळेत पाहुण्यांचे स्वागत चेतन रवेलिया, प्रास्ताविक अध्यक्ष डॉ.रिचा शर्मा, उपप्राचार्य प्रा.डॉ.प्रीतम बेदरकर तर पाहुण्यांचा परिचय डॉ. पूर्णिमा बेहेरे यांनी तर आभार प्राध्यापिका सबिना शेख यांनी मानले. ता.१७ च्या पाहुण्यांचे स्वागत डॉ. पूर्णिमा बेहेरे, प्रास्ताविक अध्यक्ष डॉ. ऋचा शर्मा, उपप्राचार्य प्रा.नोएल पारगे, पाहुण्यांचा परिचय चेतन रवेलिया व आभार सादिया शेख यांनी केले.
إرسال تعليق