मख़दूम समाचार
मोहोळ (प्रतिनिधी) ५.१०.२०२३
येथील गट नं. ९२७, सिव्हिल कोर्टासमोर, कळसे नगर, पंढरपूर रोड येथील शेतकरी सुदर्शन दत्तात्रय कळसे यांनी भारतातील पहिला खाजगी मालकीचा टोलनाका उभारला आहे. आपल्या शेतातून जात असलेल्या मोहोळ-पंढरपूर-आळंदी पालखी मार्गासाठी जमीन संपादित करण्यात आलेल्या परंतु त्याचा मोबदला न मिळालेल्या या जमिनीवर हा टोल प्लाझा असणार आहे. जमिनीचा मोबदला मिळाला नाही म्हणून आधीच्या जमीन मालकाने स्वतःचा खाजगी टोल उभारला आहे हे भारतातील एकमेव आणि पहिले उदाहरण आहे.
याबाबतची माहिती मोहोळ येथील सुनिल माळी यांनी दिली. त्यांचे मित्र संतोष कळसे यांचे जमिनीतून मोहोळपासून मोहोळ-पंढरपूर-आळंदी पालखी मार्गासाठी जमीन संपादित करण्यात आली आसून संबंधित जमीनीचा मोबदला अद्याप मिळाला नाही. म्हणून जमीनीचा मोबदला मिळण्यासाठी त्यांनी अभिनव मार्ग अवलंबला आहे तसेच याबाबत त्यांनी मुख्यमंत्री एकनाथ शिंदे व उपमुख्यमंत्री अजित पवार यांना ट्विटरद्वारे कळविले आहे.
या टोलचे दर अगदीच रिजनेबल आहेत. तीनचाकी वाहनाला १५/- रूपये - १६०/- रूपये महिना, चार चाकी वाहनाला १०/- रुपये - ९०/- रूपये मासिक, सहाचाकी वाहनाला ६५ /- रूपये - ४७५/- रूपये मासिक. ता. १ नोव्हेंबर २०२३ पासून पहिलाच खासगी टोल प्लाझा शुभारंभ होत असून सर्व शेतकरी बांधवांकडून या उपक्रमास हार्दिक शुभेच्छा देण्यात आल्या आहेत.
إرسال تعليق