येवला तालुक्यातील पिंपळगाव जलाल येथील शिवाबाबा वाघ प्रतिष्ठान आयोजित शहादू शिवाजी वाघ स्मृती राज्यस्तरीय चौथ्या साहित्य कलाकृती पुरस्कार सोहळ्याचे नियोजन करण्यात आले आहे. महाराष्ट्रातील कवी, लेखक, कथाकार यांच्या साहित्य कलाकृतीला राज्यस्तरीय साहित्य कलाकृती पुरस्कार नुकतेच १ मे २०२५ रोजी जाहीर झाले आहेत. निवड झालेल्या कलाकृतीचा पुरस्कार प्रदान सोहळा येवला तालुक्यातील पिंपळगाव जलाल येथे दि. ४ जून २०२५ रोजी संपन्न होणार आहे . या सोहळ्यासाठी शिवाबाबा वाघ प्रतिष्ठानने अहिल्यानगर येथील पेमराज सारडा महाविद्यालयाच्या प्राचार्य डॉ. माहेश्वरी गावित यांची तर अध्यक्षपदी तर उद्घाटकपदी पाथर्डी जि. अहिल्यानगर येथील साहित्यिक डॉ. कैलास दौंड यांची निवड केल्याबाबत प्रतिष्ठाने पत्राव्दारे लेखी कळविले आहे.
मा. डॉ. माहेश्वरी गावित या आदिवासी साहित्य, लोकसाहित्य, आदिवासी भाषा यांच्या अभ्यासक, समीक्षक आहेत. सन २०१५ मध्ये नांदेड येथे भरलेल्या दहाव्या अखिल भारतीय आदिवासी साहित्य संमेलनाचे अध्यक्षपद त्यांनी भूषविले आहे. अनेक सामाजिक, सांस्कृतिक, शैक्षणिक शिबीर, मेळावे यात त्यांनी मार्गदर्शनपर प्रबोधनात्मक विचार, व्याख्याने दिली आहेत. त्यांची आदिवासी जीवनावर महाराष्ट्रातील आदिवासी साहित्य :एक शोध, आदिवासी साहित्य विचार, आदिवासी विशेषांक, लोक साहित्य : जीवनकला असे अनेक पुस्तके प्रकाशित आहेत.
मा. डॉ. कैलास दौंड यांची साहित्य संपदा मोठी आहे त्यांचे ६ कवितासंग्रह , ३ कादंबरी , १ कथासंग्रह, १ ललित लेख संग्रह तर ४ बालकुमार साहित्य अशा कलाकृती प्रकाशित आहेत. त्यांची गोधडी ही कथा महाराष्ट्रातील ई. ८ वीच्या पाठ्यपुस्तकात अभ्यासक्रमासाठी समाविष्ट आहे. डॉ कैलास दौंड यांना अनेक राज्यस्तरीय पुरस्कार मिळालेले आहेत. त्यांची कापूसकाळ ही कादंबरी मुंबई विद्यापीठाच्या तृतीय वर्ष बी. ए. अभ्यासक्रमात आणि रामनिरंजन रुईया महाविद्यालय , माटुंगा, मुंबई च्या बी.ए.अभ्यासक्रमात समाविष्ट आहे.
डॉ माहेश्वरी गावित व डॉ. कैलास दौंड यांच्या निवडीचे सर्वत्र अभिनंदन होत आहे
إرسال تعليق