गाता रहे मेरा दिल ग्रुप, स्वरछंद ग्रुप व मखदूम सोसायटीच्या वतीने शहरातील कर्तृत्ववान महिलांचा सन्मान सावेडी येथील माऊली सभागृहात करण्यात आला. या प्रसंगी डॉ. कमर सुरूर बोलत होत्या. यावेळी स्मिता ताई पानसरे,सुफी गायक पवन नाईक, उर्जिता फाउंडेशनच्या संध्याताई मेढे, जागरूक नागरिक मंचाचे सुहासभाई मुळे, रहमत सुलतान फाउंडेशनचे युनुस भाई तांबटकर, हरदिन मॉर्निंग ग्रुपचे संजय सपकाळ, संगीतप्रेमी अमृत मुथा, एडवोकेट रवींद्र शितोळे, जीवन फाउंडेशनचे अध्यक्ष आरिफ सय्यद, एडवोकेट संतोष गायकवाड, मुस्कान असोसिएशनचे शफकत सय्यद, राजकुमार गुरनानी, एड. अमीन धाराणी, शिल्पकार विकास कांबळे, सुनंदा तांबे,एड. गुलशन धाराणी, डीसीबी बँकेचे सुरज सय्यद, नागेबाबा मल्टीस्टेटचे श्री कदम, संजय गाडे, सेलिंग किचनचे राहुल कुकरेजा आदी मान्यवर उपस्थित होते. यावेळी वंचित व दुर्बलांसाठी नेहमी कार्य करणाऱ्या अलका मुंदडा,रजनी मनोज भंडारी, राजश्री शितोळे, अँड. मनिषा केळगंद्रे - शिंदे, शबाना शेख, भारती शेवते, भावना केदार, रेश्मा आठरे, जागृती ओबेरॉय, रचना काकडे - तौर, एड.स्वाती जाधव, सलोनी जाधव, रविना कांबळे यांचा मान्यवरांच्या हस्ते सन्मानचिन्ह पुस्तक पुष्पगुच्छ देऊन गौरव करण्यात आले. व या सन्मानार्थींच्या सन्मानार्थ सुरेल गीतांची महफील आयोजित करण्यात आली. यामध्ये नगरच्या हौशी कलाकारांनी रसिकांना आपल्या स्वर व गीतांनी मंत्रमुग्ध केले. प्रत्येक सन्मान व गीतांना रसिकांनी वाह... वाह.. व टाळ्यांच्या गजरात दाद दिली. या कार्यक्रमासाठी संध्याताई मेढे, राजकुमार गुरनानी व आबीद दुलेखान यांचे विशेष सहकार्य मिळाले.
पुढे बोलताना डॉ कमर सुरुर म्हणाल्या की समाजात नेहमीच पुढे पुढे राहणाऱ्या लोकांचा व फक्त आपल्या नाव व चर्चेसाठी काम करणाऱ्यांचा मोठ्या प्रमाणात सन्मान होत असतो. परंतु जे खऱ्या अर्थाने मनाने समाजात वंचित, दुर्बलांचं विकास व्हावा या भावनेतून काम करणाऱ्या महिलांचा सन्मान या ग्रुप तर्फे करण्यात आलं ही कौतुकास्पद बाब आहे असे नमूद केले.
कार्यक्रमाचे सूत्रसंचालन दिपा माळी व विजय माळी यांनी केले. तर आभार आबिद खान यांनी मांनले.
कार्यक्रमास नगर येथील सामाजिक कार्यकर्ते व संगीतप्रेमी मोठ्या संख्येने उपस्थित होते.
Post a Comment