आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

سولاپور (سلطان اختر )  ہفت روزہ قاصد سولاپورکی باونویں سالگرہ کے موقع پر قاصد کے سال رواں کے پہلے اور خصوصی شمارے کی رسم رونمائی معزز مہمانان کے ہاتھوں عمل میں آئی۔ ساتھ ہی ساتھ ہفت روزہ قاصد اور برقی خبرنامہ صدائے مہاراشٹرکے بانی مدیر جناب ایوب نلامندو کے باسٹھ ویں سالگرہ کے موقع پر احباب نے گلپوشی کی۔

اس موقع پر سنئیر ڈرامہ نگار ومعلم بی ایچ کرجگی, مشہور  مراٹھی شاعر مبارک شیخ ,سوشل سنئیر کالج آف آرٹس اینڈ کامرس کالج کے انچارج پرنسپل اقبال تامبولی, انقلاب ممبئی کے نمائندے اقبال باغبان, سابق پرنسپل عبدالمنان شیخ,مشہور ناظم انور کمیشنر, نذیر منشی,انڈین یوتھ اسوسی ایشن کے نائب صدر مظہر اللوڑی، عبدالقدوس نلامندو، بھارتیہ اردو وکاس فاونڈیشن سولاپور کے صدر و افسانچہ نگار سلطان اختر و دیگر معزز مہمانان نے  قاصد کی سالگرہ کے موقع پر مبارک باد پیش کی اور  ایوب نلامندو کی علمی ادبی تعلیمی و صحافتی خدمات کا اعتراف کیا۔ انہیں  دعاؤں اورنیک خواہشات سے نوازا۔ صدر جلسہ انور کمیشنر  نے کہا کہ ایوب نلامندو مشہور شاعر و ادیب کے ساتھ ساتھ بے باک صحافی بھی ہیں۔ان کی بے لوث  صحافتی خدمات قابل ستائش ہیں۔ نظامت  صدائے مہاراشٹر کے مدیر ڈاکٹر شفیع چوبدار نے بحسن خوبی انجام دی ۔ اس موقع پر اسرار نلامندو,شمع  ایجوکیشن سوسائٹی کے سیکرٹری ابوبکر نلامندو, کل ہند اردو کانفرنس کے اشفاق ساتکھڑ,عرفان کاریگر,سید اقبال دانش آرٹسٹ, جعفر بانگی, ابرار نلامندو و دیگر معزز احباب شریک تھے۔