आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

महेफ़िल

◽ मख़दुम समाचार ◽

२६.४.२०२३

राजा

सभेत भाषण करताना    

राजा हुकमी रडायचा,

प्रजेच्या चिंतेमधे,

बघता बघता बुडायचा!

गरिबांची कणव येऊन

त्याचा आवाज पडत असे,

कधी ध्येयवादी होऊन

उंच उंच चढत असे !

राजा मोठा नट होता,

राजा होता शिकारी,

इतकं वैभव असूनसुद्धा

राजा होता भिकारी ! 

अनेक मूर्ख माकडांच्या

टोप्या त्याने घेतल्या होत्या,

आणि ज्यांना घालायच्या

त्यांना टोप्या घातल्या होत्या !

जिथे घाली हात तिथे

खाणं चापून घेत असे,

हवं असेल राजाला 

तेच छापून येत असे !

भिकारी का होता?

राजालाच ठाऊक होतं!

तसं त्याचं मन म्हणे

आतून फार भावुक होतं !

चिंतेमधे चूर होऊन

येरझारा घालत असे,

बागेमधे तासनतास

एकटा एकटा चालत असे !

राजा रोज मुकुट घालून

आरशापुढे रहात असे,

स्वतःवर प्रेम करीत

स्वतःकडे पहात असे !

प्रजा सगळी मुठीत होती,

जयजयकार करायची,

आश्वासनं खात खात

आपली पोटं भरायची !

सगळ्या गुंड दादांवर 

आतून त्याचा ताबा होता

त्याचे भविष्य सांगणारा

एक बडा बाबा होता !

बडे बाबनंतर त्याची 

स्वतः वरती भक्ती होती

स्वतःवर प्रेम करणे 

हीच त्याची शक्ती होती !

राजाच्या स्तुतीचे 

रकाने पाठ होते

राजाच्या पदरी असे

बडे बडे भाट होते !

दोन्ही हातात घेऊन बाजा

नागडा नाचू लागला राजा

तरी देखील सगळ्यांनी

आपल्या अकला खाजवल्या

इमानाने उभे राहून 

जोरात टाळ्या वाजवल्या !

- मंगेश पाडगावकर.

(सन १९९० साली प्रकाशित झालेल्या  'बोलगाणी' कवितासंग्रहातून साभार )