▫️मख़दुम समाचार▫️
मुंबई (प्रतिनिधी) २७.४.२०२३
येथील मीरारोड एसके स्टोन मैदानावर दि. १२ मार्च रोजी आयोजित हिंदू जन आक्रोश मोर्चाच्या सार्वजनिक मेळाव्यात मीरा-भाईंदरच्या मुस्लिम आणि ख्रिश्चन समुदाया विरुद्ध गुजरातच्या काजल शिंगला उर्फ हिंदुस्थानी यांनी द्वेषयुक्त भाषण केले. भाषणात काजल हिने मीरा रोडला अमली पदार्थांचा अड्डा, मुस्लिम फेरीवाले नपुंसकतेची औषधे मिसळून वस्तु विकत असल्याचा दावा तसेच येथे लव जिहाद व लँड जिहाद सुरू असल्याचा आरोप केला होता. चादरवाला व फादरवाला शब्द वापरुन तिने मुस्लीम व ख्रिस्ती अल्पसंख्यांकांना लक्ष्य केले. या प्रक्षोभक मोर्चा व भाषणामुळे मीरा-भाईंदर परिसरात संतापाची लाट उसळली. द्वेषपूर्ण भाषण करणाऱ्यांवर तसेच 'जन आक्रोश मोर्चा'च्या आयोजकांवर कारवाई करण्याची मागणी मार्क्सवादी कम्युनिस्ट पक्षाचे सादिक बाशा, आपचे सुखदेव बनबंसी आणि शिवसेनेचे सॅबी फर्नांडिस आदींच्या नेतृत्वात पोलिस आयुक्तांना भेटून केली गेली.
मीरा भाईंदर परिसरात शांतता व जातीय एकात्मता भंग करणारे भाषण देणार्या काजल हिच्यावर स्थानिक पोलिसांनी भादंविच्या कलम १५३ (अ) आणि ५०५(२) अंतर्गत गुन्हा नोंद केला आहे. याचे माकपकडून स्वागत करण्यात आल परंतु शिवप्रतिष्ठान, हिंदू राष्ट्र सेना आणि सनातन संस्था यासारख्या अनेक संघटनांनी एकत्र येत सकल हिंदू समाज नावाच्या बॅनरखाली राज्यभरात भडकाऊ मोर्चे काढले. या सर्व मोर्च्यांना भाजप नेत्यांचा भरपूर सहभाग आणि पाठिंबा राहिला मात्र आयोजकांवर आतापर्यंत कुठलीही कारवाई झालेली नाही.
म्हणून आयोजक संघटना, भाजपा आमदार गीता जैन, माजी आमदार नरेंद्र मेहता, ज्येष्ठ नगरसेवक रवी व्यास आणि मनसे नेते सानिप राणे, शैलेश पांडे यांच्यावर देखील गुन्हा नोंद करण्याची मागणी मार्क्सवादी कम्युनिस्ट पक्षाने केली आहे.
मागणीपत्रावर डीवायएफआय, हक हैं, निर्भय भारत, मीरा-भाईंदर विकास मंडळ, जिद्दी मराठा, ऑल इंडिया लॉंयर्स यूनियन, राष्ट्रवादी काँग्रेस पक्ष, एमबीपीएस, पहल फाउंडेशन, तिरछी आंख साप्ताहिक या संघटना व राजकीय पक्षांच्या पदाधिकाऱ्यांसह अनेक नागरिकांची सह्या आहेत, अशी माहिती मार्क्सवादी कम्युनिस्ट पक्षाचे सेक्रेटरी सादिक बाशा, मोईन अन्सार यांनी दिली.
Post a Comment