आक्षेपार्ह मजकूर पोस्ट करणारा मास्टरमाईंड कोणी जिहादी वा मुस्लीम नसून हिंदू वीर अमर अर्जुन शिंदे हा होता

मख़दुम समाचार

नागपुर (प्रतिनिधी) २४.६.२०२३

     ऑल इंडिया स्टुडंट्स फेडरेशनच्या महाराष्ट्र राज्य कौन्सिलच्या शिष्टमंडळाने आज रोजी राष्ट्रसंत तुकडोजी महाराज विद्यपीठाचे कुलगुरू सुभाष चौधरींसह प्र-कुलगुरू संजय दुधे यांची भेट घेऊन विद्यार्थ्यांच्या महत्वाच्या प्रश्नाकडे लक्ष वेधले. विद्यापीठाने एम.एस्सी. द्वितीय सत्राची परीक्षा पुढे ढकलण्यात यावी अशी प्रमुख मागणी केली. या विषयावर सविस्तर चर्चा केली असता, परीक्षा नियंत्रकांशी चर्चा करून योग्य निर्णय घेण्याचे आश्वासन कुलगुरू सुभाष चौधरी व  प्र-कुलगुरू संजय दुधे यांनी दिले.       

नागपूर विद्यापीठाची एम.एस.सी. द्वितीय सत्राची उन्हाळी परीक्षा दि. २७ जून रोजी सुरू होणार आहे. नुकतीच १० एप्रिल रोजी प्रथम सत्राची हिवाळी परीक्षा पार पडली. त्याचे निकाल २३ में रोजी जाहिर झाले होते. लगेच ३० में रोजी उन्हाळी परीक्षेचे वेळापत्रक विद्यपीठाने जाहीर केले. अवघा एक महिन्यात ही उन्हाळी परीक्षा विद्यापीठ घेत आहे. यामुळे हजारो विद्यार्थी नापास होण्याची दाट शक्यता आहे. कुठल्याही महाविद्यालयाने अभ्यासक्रम पूर्ण केला नाही व विद्यापीठानेही विद्यार्थ्यांना अभ्यास करण्यासाठी वेळ दिला नाही. त्यामुळे अभ्यास करायला वेळ मिळावा म्हणून हि परीक्षा पुढे ढकलण्याची मागणी ऑल इंडिय स्टुडंट्स फेडरेशनने यावेळी केली आहे. 

 कॉम्रेड वैभव चोपकर यांच्या अध्यक्षतेखाली भेटलेल्या शिष्टमंडळात राज्य कौन्सिल सदस्य रवी बावणे, मीनाक्षी मेहर, विश्वजित बनकर, वैष्णवी मेश्राम, दामिनी नंदेश्वसर, मयुरी डहाके, रेणुका पाटणे आदी उपस्थित होते.