ان کے اعزاز میں 24 جولائی کو میڈیا پلس آڈیٹوریم میں ایک خصوصی نشست کا انعقاد کیا گیا جس کا آغاز پر تکلف ظہرانے سے ہوا۔ ظہرانے میں محترمہ رفیعہ نوشین نے گھریلو پکوان مٹر پنیر اور چپاتیاں مہمانوں کی خدمت میں پیش کیں جبکہ گواہ ویکلی کے مدیر جناب فاضل حسین پرویز نے خالص حیدرآبادی پکوانوں میں کھٹی دال، خشکہ، پاپڑ، بریانی، رائتہ، مرچیوں کا سالن اور نظامی دور کی سوغات بادام کی اشرفی (پیلی ٹکیہ) کا اہتمام کیا۔
نشست میں جناب سراج عظیم نے سمینار کی تفصیلات بتاتے ہوئے کہا کہ اس بین الاقوامی پروگرام میں انگلینڈ، نیدرلینڈ، کینیڈا، ایران، دوحہ قطر سمیت متعدد ممالک سے مندوبین شرکت کریں گے۔ علاوہ ازیں ملک بھر سے دلی، ممبئی، کشمیر، بھوپال، ناگپور، کلکتہ، گجرات، چھتیس گڑھ، رامپور، بجنور، مالیگاؤں، شموگہ، بریلی و دیگر شہروں سے بھی مندوبین کی شرکت متوقع ہے۔
سمینار کے دوران تکنیکی نشستیں، داستان گوئی، بچوں کی کتابوں کا میلہ، کہانی و نظم خوانی، سولو تمثیلی مشاعرہ، ڈرامے، قہقہوں کی محفل اور عالمی مشاعرہ جیسے متنوع ادبی و ثقافتی پروگرام منعقد ہوں گے۔
پروگرام کی تیاری اور حکمت عملی طے کرنے کے لیے مشاورتی اجلاس بھی منعقد ہوا جس میں ڈاکٹر مظفر حسین غزالی (دہلی)، ڈاکٹر فاضل حسین پرویز، محمد اقبال رشید، محترمہ رفیعہ نوشین، حسام الدین ریاض، سید اسرار الحق سبیلی، فہمیدہ جمیل، سیدہ عائشہ، محمد مظہر، خالد شہباز، مختار احمد فردین سمیت کئی اہم شخصیات نے شرکت کی اور پروگرام کی کامیابی کے لیے ہر ممکن تعاون کی یقین دہانی کروائی۔
اختتامی لمحات میں ڈاکٹر فہمیدہ نے معزز مہمانوں کو ہدیہ گل اور خوشبو پیش کی جبکہ جناب حسام الدین ریاض نے سراج عظیم صاحب کی شال پوشی کی اور چارمینار کا یادگاری ماڈل پیش کیا۔ نشست کا اختتام شام کی چائے اور اظہارِ تشکر پر ہوا۔
إرسال تعليق