सतिश गुगळे सरांनी प्रामाणिकपणे ही बाब सुलभक रितेश गोरे यांना कळविली. व प्रशिक्षण वर्गात एक वस्तू सापडली असून ज्याची असेल त्यांनी ओळख पटवून घेऊन जावे असे जाहीर करताच सदर प्रशिक्षणात सहभागी असणाऱ्या मार्कंडेय विद्यालय श्रमिकनगरच्या महिला अध्यापिका श्रीमती जयश्री चिंतल यांनी माझी सोन्याची अंगठी हरवल्याचे सांगितले.
वस्तूची ओळख पटल्याने सदर अंगठी सुलभक सौ. वृषाली कुलकर्णी व वर्षा कोकाटे यांच्या हस्ते शिक्षिका यांना सुपूर्द करताना त्यांच्या चेहऱ्यावरील विलक्षण आनंद पाहायला मिळाला.
प्रशिक्षणा दरम्यान आत्मसात केलेली अनेक मूल्य विद्यार्थ्यांमध्ये रुजविताना किमान 40 ते 50 हजार रु. किमतीची ही सोन्याची अंगठी परत करून प्रामाणिकपणाचे एक कृतीयुक्त आदर्श उदाहरण सतिश गुगळे यांनी दाखवून दिल्याने त्यांचा अहिल्यानगर म.न.पा प्रशिक्षण समन्वयक अरुण पालवे यांच्या शुभहस्ते सर्व अध्यापकांच्या वतीने सत्कार करण्यात आला.
यावेळी मनपा समन्वयक अरुण पालवे व अध्यक्ष तुळशीराम लबडे महाराज यांनी आपल्या मनोगतात सतिश गुगळे सरांचे भरभरून कौतुक केले.
सतिश गुगळे यांच्या प्रामाणिकपणा बद्दल सर्व स्तरातून त्यांचे कौतुक होत आहे.
إرسال تعليق