सागर बाबासाहेब पवार यांनी दिलेल्या निवेदनात म्हटले आहे की, मौजे वाकोडी वाळूज शिवार येथील सर्वे नं. ३५८ ही जमीन वडिलोपार्जित असून ते आपल्या कुटुंबासह शेती व्यवसाय करून उपजीविका करत आहेत. सदर जमिनीबाबत अहमदनगर जिल्हा न्यायालयात केस क्र. MA/355/2024 प्रलंबित आहे.
दिनांक २१ फेब्रुवारी २०२६ रोजी मंडळाधिकारी यांच्या आदेशाचे पत्र मिळाले असून राजेंद्र शांतीलाल बलदोटा व इतर जण जमिनीवर ताबा घेण्याचा प्रयत्न करीत असल्याचे त्यांनी निवेदनात नमूद केले आहे. तसेच मंडळाधिकारी व तलाठी कार्यालयातील कर्मचारी पाहणीसाठी आले होते.
यावेळी सागर पवार म्हणाले की, "सदर जमीन ही आमची वडिलोपार्जित असून मी माझ्या कुटुंबासह शेती करून उदरनिर्वाह करत आहे. न्यायालयात केस चालू असताना जमिनीवर ताबा घेण्याचा प्रयत्न होत असल्यामुळे आम्ही चिंतेत आहोत. प्रशासनाने न्यायालयाचा निर्णय होईपर्यंत ताबा कारवाई थांबवावी."
यावेळी विश्व चक्रवर्ती सम्राट अशोक सामाजिक संघटनेचे अध्यक्ष सचिन साळवे यांनी सागर पवार यांना जाहीर पाठिंबा देत सांगितले की, न्यायालयात प्रकरण प्रलंबित असताना शेतकऱ्यांवर अन्याय होऊ नये. प्रशासनाने योग्य ती दखल घेऊन ताबा कारवाई थांबवावी व न्याय मिळवून द्यावा.
न्यायालयात प्रकरण प्रलंबित असताना जमिनीवरील कोणतीही ताबा कारवाई तात्काळ स्थगित करण्यात यावी, अशी मुख्य मागणी निवेदनाद्वारे करण्यात आली आहे.
Post a Comment