स्व. शोभाताई महादेव कुलकर्णी यांच्या नावाने दिला जाणारा आदर्श शिक्षक पुरस्कार बाई इचरजबाई फिरोदिया प्रशालेतील वैभव भगवान वाघ, स्नेहालय इंग्लिश मीडियम स्कूलमधील शबाना ताज शेख व बालभवनचे शिक्षण समन्वयक विक्रम सुधाकर भगत यांना प्रदान करण्यात आला.
स्व. प्रा. गोपालभाई गुजर यांच्या स्मरणार्थ दिला जाणारा आदर्श कर्मचारी पुरस्कार स्नेहालयातील वरिष्ठ लेखापाल समाधान तुकाराम भाले यांना देण्यात आला.
निवड समितीचे सदस्य व स्नेहालयाचे संस्थापक डॉ. गिरीश कुलकर्णी, अध्यक्ष संजय गुगळे, सचिव राजीव गुजर, संचालक हनिफ शेख, बालभवनचे मानद संचालक संजय बंदिष्ठी, मुख्याध्यापिका क्षितिजा हडप आदी यावेळी उपस्थित होते.
श्री. खेर म्हणाले, समाजाकडून आपल्याला खूप काही मिळत असतं. समाजाचा मी उतराई आहे, या भावनेतून विशिष्ट वयानंतर आपण देणार्याची भूमिका निभवायला हवी. सकारात्मक विचारांची माणसं तयार करणं ही शिक्षकांनी आपली जबाबदारी समजावी.
पुरस्कार्थी, तसंच स्नेहालयाच्या शाळेतील शिक्षिका यास्मिन शेख आणि विद्यार्थ्यांनी यावेळी मनोगत व्यक्त केलं. आभार श्री. बंदिष्ठी यांनी मानले. सूत्रसंचालन तेजल थोरवे, रोशनी कनोजिया आणि शिक्षिका वीणा मुंगी यांनी केलं. सांस्कृतिक कार्यक्रमातील नृत्य आणि शिक्षकांचा रॅम्प वाॅक सर्वांच्या आकर्षणाचा केंद्रबिंदू ठरला.
शिक्षक सर्वोच्च स्थानी..
आदर्श शिक्षक वैभव वाघ म्हणाले, समाजात सर्वोच्च स्थानी असलेल्या शिक्षकांवर लोकांचा सर्वाधिक विश्वास असतो. मुलांमधले कलागुण जोपासण्याबरोबर अभ्यासात मागे राहणार्यांना आत्मविश्वास देणं हे शिक्षकाचं कर्तव्य असतं. आयुष्यातला पहिला पुरस्कार स्नेहालयाच्या भूमीत मिळाला, याबद्दल त्यांनी समाधान व्यक्त केलं.
Post a Comment